معلومات تهم الفرقة الاولى ..... ادخل هنا

بصوا احنا هانبدأ إن شاء الرحمن بمادة الدينتشن

يعني ايه دينتشن dentition
dentition يعني تسنين بالعربي ، والاسم دا المفروض مايطلقش على المادة ، بس دا الشائع ، زي مابنقول على الفارماكولوجي ، فارما ، وزي مابنقول على الهيستولوجي ، هيستو ، وزي مابنقول على عبيط ، عبي

المادة دي اسمها الصحيح Dental Anatomy & physiology ، وبنقول عليها بالعربي ، تشريح وصفي
لأنكم في الأول هاتخدوا معلومات كده عن البؤ والأسنان ، كتمهيد علشان تفهموا اللي بعد كده ، وبعدين ازاي بنرقم الأسنان ونظم الترقيم اللي بنشتغل بيها في مصر ونظام الترقيم العالمي ، والأمريكي .

المهم
المادة دي زي ماقلت بتدرسوا فيها مقدمة في الأول عن البؤ والأسنان ويعني ايه التسنين وأنواعه ونظام الترقيم بتاع الأسنان ويتكلم عن أنواع الارتفاعات elevations والانخفاضات depressions في كل سنة وكذالك أنواع الحذوذ grooves التي تمر بكل سنة وكده علشان تبقى عارف المصطلحات دي ومعناها ايه وبتبقى موجودة فين. بعد كده في جزء أسمه dental Anatomy ودا بتمسكوا فيه كل سنة بتدرسوها بالتفصيل ، يعني القواطع مثلا عندنا قاطعين فوق في الفك العلوي وقاطعين تحت في الفك السفلي ، بتدرسوا كل واحد على حدة بالتفصيل الممل وبالرسم
والرسم مهم جدا .
وبعدين الأنياب ، واحد علوي وواحد سفلي ، وبعدين النواجذ أو القبطواحن وهما 4 ، 2علوي و 2 سفلي ، وبعدين الضروس أو الطواحن وهما 6 ، 3علوي و 3سفلي ، واللي قلناه دا في كل ربع من كل فك بالنسبة للشخص البالغ
ودا كله هاتنحتوه على الشمع .

لأنكم بعد لما هاتخلصوا دا هاتخشوا على الأطفال
لان الأطفال عندهم عدد أقل من الأسنان ، وطبعا لايوجد لديهم نواجذ أو قبطواحن ، كما أنهم عندهم ضرسين في كل ربع من كل فك

وبعدين تخشوا على جدول جامد فحت
جدول التسنين ، جدولين ، بس ايه ، مهمين جدا جدا للدكتور
امتى السنان بتتكون بعد الحمل ، وامتى بتطلع الأسنان اللبنية في بؤ العيل ، وامتى بتقع ، وامتى بيطلع بدالها ، وامتى ، وامتى كتيره أوي ،

بعد كده ازاي تسنن mandible يعني فك عظمي من شوية حاجت هايعرفوهالك ودا ممكن يجي عملي ، وكمان ازاي تسنن جمجمة طفل صغير ممكن لسه مولود أو عند كام سنة كده أو Adult وكل دا من الأسنان والعظم الفكي ، وازاي تتعرف على كل سنه لأن الدكتور ممكن في الشفوي برده يديلك سنة ويقولك دي ايه فانت تعرفها وتقوله دي ايه ودي يمين واللا شمال ، وعرفت منين ، وتتناقش معاه ، برده الجماجم كده في الشفوي ، دي جمجمة لواحد أو طفل عنده كام سنة وكده ، وبرده الـ mandible كده وعرفت منين .

بعد كده تخش على جزء الفيسيولوجي ودا جزء بيقولوا عليه دا أسهل وألذ بكتييير من كل اللي هاتكونه أخدتوه ،
بتدرسوا فيه المنحنيات اللي بتحرك في الفك
بتدرسوا فيه الاطباق ، يعني كيف يطبق الفك السفلي مع العلوي
وتدرسوا الطباق بتاع كل سنة
وبس خلاص

بالنسبة للعملي نحت السنان على بلوكات شمع بتشتروها ، ومفيش أدوات بتشتروها في السنة دي على مستوى كل المواد غير أدوات النحت
Wax Carver
Wax Knife
وبعد لما بتخلصوا النحت ، بيدربوكوا ازاي تتعرفوا على السنان وازاي تتعرفوا على عمر الجمجمة والفك وكل دا
دا زائد انكم بيبقى معاكم كتاب عملي بترسموا فيه ،
بس
وامتحان الفاينال العملي بيبقى carving بس ، نحت بس يعني
، وكمان بيبقى فيها كل سكشن هاتعملوا فيه ايه بالظبط ، يعني السكشن دا هاتنحتوا كذا ، والجاي مراجعة على اللي نحتوه ، واللي بعده كذا ، ، ،

تم الجزء الأول

انتظروا البقيه هنا .....

وهنكمل كلامنا عن الدينتيشن شويه

نتكلم بأه في المادة دي بشويش ، معلوامت في السوفيس كده

بصوا دي صورة لبؤ عيل بؤ بيور ، مش مخلط وهاقولكم يعني ايه بيور ويعني ايه مخلط

دا اسمه الـ primary dentition أو الـ deciduous dentition وقولنا يعني ايه dentition يعني تسنين
يعني الأسنان اللي موجودة في بق الواد دي اسمها deciduous teeth أو ال primary teeth اللي هي أسنان لبنية
طيب جميل .... بص على الصورة وسيبك من الكلام لأني هاشرحه تحت الصورة

تخيل خط بيقسم الانسان لنصفين متماثلين
الخط دا اللي لونه أصفر

هايكون الأسنان اللي في النص اليمين شبه اللي في الشمال بالظبط في نفس الفك
بس اللي فوق ( الفك العلوي upper jow ) مش شبه اللي تحت ( lower jow الفك السفلي )

صباح الفل فاهمين كده

طيب الخط دا لونه دلوقت أحمر في الصورة دي

احنا عندنا upper jow و lower jow
عدد الاسنان اللبنية اللي في كل منهما واحد
فوق في 10 أسنان وتحت 10

عديت

يعني مجموع الأسنان اللبنية في بق الطفل الذي لم يتجاوز 6 سنوات 20 سنة بالتمام والكمال

طيب الخط اللي قلنا عليه خط طولي بيقسم بالنص ، بحيث النص اليمين زي الشمال

الخط دا هايعملنا ربعين في كل فك
ربع يمين وربع شمال
يعني عدنا 4 أرباع في اليؤ
في كل ربع كام سنة

ها.....

5 أسنان شاطر برافو عليك
يبقى في كل ربع في 5 أسنان اللي في الربع اليمين في الفك العلوي زي اللي في الشمال من نفس الفك

وكذلك بالنسبة للسفلي

يبقى مجموعهم 20 سنة تمام كده ، وبكرر للطفل الذي لم يتجاوز 6 سنوات ، لان الطفل اللي عنده 6 سنين أو أكتر بيكون هايبتدي أو خلاص ابتدى تطلعله الضرس الطاحن الدائم اللي بنقول عليه Key of occlusion يعني مفتاح الاطباق

ودا مهم جدا
وبيطلع ورا آخر ضرس لبني ، وبيبقى طالع بقوة رهيبة

علشان كده لو طفل خالع الضرس اللبني اللي قدام الضرس الدائم اللي هايطلع دا ، الضرس الدائم من قوته اللي بيطلع بيها بيميل لأن لقدام ، لأن قدامه فاضي ، وبيختل نظام الرصة بتاع

سنانه الدائمة اللي هاتطلع لسه علشان كده بنركبله حاجة اسمها space maintainance
ودا شكلها أهه

علشان تمنع أن الضرس ينزاح لقدام أو يميل

طيب ازاي نرقم الأسنان اللبنية ، دا هاتعرفوه لما تخشوا الكلية
في 3 أنظمة من الترقيم
هاتدرسوهم انشاء الله مش عاوز ألخمكم بيهم علشان عاوزين تركيز شوية

طيب معلومة كده على الماشي
الطفل أنواع الاسنان اللي عنده ايه ؟؟؟؟

قاطع مركزي central incisors
قاطع جانبي lateral incisors
ناب canine
ضرس أول firist molar
ضرس ثاني second molar

بس
وماعندوش نواجذ أو القبطواحن premolars
لانهما موجودة في الـ Adults بس ( اللي بيبقى عدا الـ 12 سنة ) ودول بيطلعوا وعددهم 2 في كل ربع من كل فك
يعني firist premolar
second premolar
في كل ربع من كل فك ، يعني في الفك الواحد 4 ، وفي البؤ كله 8
والـ Premolars دول بيطلعوا مابين 10 إلى 12 سنة ودا موجود في الجدول اللي هاتحفظوه

بيطلعوا بدل ال decidouse firist & second molars ، أي بدل الضروس اللبنية ، أي يتم استبدال الضروس اللبنية decidouse molars
بـنواجذ أو premolars دائمة
ودي صورتها

والصورة دي بتاعة انسان بالغ عاقل رشيد
وماتركزوش فيها أوي لأننا هانتكلم عنها بالتفصيل الممل
ونكمل المرة الجاية

آمل أني أكون قد افدتكم وأكون قد قدمتلكم معلومة جديدة

بسم الله الرحمن الرحيم
هانكمل ان شاء الله ،

أنا قلت أني هاوضح نقطة ،
هيا أني قلت أن في بالنسبة للـ primary dentition أو Deciduous dentition
أيا من الإسمين صحيح وهو المقصود به التسنين اللبني ، في حاجتين ، بيور ، ومخلط

يعني ايه بيور ، ويعني ايه مخلط !!!!؟؟؟؟؟؟؟؟؟؟؟؟
pure dentition اللي هوا بيور ، بيبقى مافيش في بؤ الانسان دا غير أما أسنان لبنية ،
أو أسنان دائمة
فبيبقى من سن 6شهور إلى سن 5 سنين ، الطفل عنده أسنن لبنية بس ،

مفيش حاجة تانية ، زي ما الصورتين دول موضحين

ومن سن 12 سنة فيما فوق ، بيبقى الطفل دا عنده أسنان دائمة بس زي ما الصورة دي ما موضحة

أما المخلط اللي بنقول عليه Mixed dentition بيبقى لطفل عنده أسنان لبنية
ودائمة في نفس الوقت ، يعني بتبقى لسه فيه أسنان لبنية في بوؤه محصلهاش Shedding ،
يعني لسه ماوقعتش ، وفي أسنان دائمة طلعت خلاص وظهرت في بؤه
زي من سن 6 إلى سن 11 سنة
ففي سن 6 سنين مثلا الطفل بيبقى عنده كل أسنانه اللبنيه موجودة وزي الفل
وبيبتدي يطع ورا آخر ضرس لبني ( الضرس اللبني الثاني )
اللي هوا Deciduous second molar ، بيبتدي يطلع وراه أول ضرس دائم ( للي هوا permanent firist molar )
ودا اللي قلنا عليه ايه ................ key of occlusion

ومثلا عند سنة 9 سنين ، بيبقى الطفل وقع شوية أسنان لبنية وطلعله بدالها أسنان دايمة

، مع وجود شوية أسنان ماوقعتش

في الحالة دي الطفل بيبقى في بؤه أسنان دائمة على لبنية ، يعني مخلط

والصور دي توضح أكتر

نبدأ بأه
إحنا وقفنا المرة اللي فاتت عند الأسنان اللبنية

المرادي بأه هاننقل على الاسنان الدايمة اللي هي في بقكم كلكم

والأسنان الدايمة دي موجودة في بؤ الانسان الذي يتراوح عمره من 6 إلى ما شاء الله

ونفس الحدوته برضه ، في pure و mixed ، يعني طفل طلعتله أسنان دائمة

أكيد هايبقى في بقه شوية أسنان لبنيه لسه ماوقعوش ........ وهكذا

طيب نعمل نفس التقسيمة

عندنا البؤ دا متقسم 4 أرباع
ربعين في كل فك
بالظبط زي ما قلنا قبل كده

طيب
في كام سنة في البؤ لإنسان adult
في 32 سنة
16 سنة علوية في الـ upper jow
16 سنة سفلية في الـ lower jow

يبقى في الربع الواحد في 8 أسنان
تقسيمتهم كالتالي
في الربع الواحد
2 قواطع ( incisors )
ناب واحد ( canine )
2 نواجذ أو قبطواحن أو ضواحك ( premolars )
3 ضروس أو طواحن ( molars )

ودا في الربع الواحد ، بكرر كمان مرة في الربع الواحد

يبقى في ال jow والواحد في كام سنة ؟

في 16 سنة

طيب تقسيمتهم ازاي ؟؟

4 قواطع ( incisors )
2 أنياب ( canine )
4 نواجذ أو قبطواحن أو ضواحك ( premolars )
6 ضروس أو طواحن ( molars )

بصوا على الصورة هاتفهموا أكتر

طيب نقول كده كمان مرة ونفسر أكتر

في الربع الواحد ، به الآتي :
2 قواطع ( incisors ) ............... قاطع مركزي central incisor
، وقاطع جانبي lateral incisor
ناب واحد ( canine )
2 نواجذ أو قبطواحن أو ضواحك ( premolars ) ....... ناجذ أول first premolar ،
وناجذ تاني second premolar

3 ضروس أو طواحن ( molars ) ودول تقسيمهم كالآتي

first molar ضرس أول

second molar ضرس تاني

third molar ضرس ثالث وهوا ضرس العقل واللي بنسميه برضه wisdom tooth وهو الأخير ،
ودا ممكن يطلع أو لا عند بعض الناس

يعني ممكن يكون موجود في بؤ بعض الناس ، وناس تانية مش موجود عندهم ،

هما مابيعروفش ضرس العقل دا مين بالظبط ، بس بيعرفوه لما بيطلعلهم وهما كبار

يعني يلاقي بؤه بيوجه ، ويبص في المراية يلاقي ضرس بيطلع ، يقول دا ضرس العقل
، هوا مش عارف دا الضرس رقم كام وكده

نكمل المره الى جايه.......تابعوا

__________________

نكمل كلامنا عن الدينتيشن

نبدأ بالأساس الصح

ازاي تمسك الknife والـ carver

ممكن تقولوا في الاول ايه الهبل دا

بس يا جماعة ، الشغل الصح بيبدأ من المسكة الصح

، ازاي تمسك مسكة صح وازاي تعمل support ،

ودا اللي بيفرق الدكتور الشاطر من اللي مش شاطر

وأديكم بتتعلموا حاجة تتعودوا عليها وتفيدكم بعد كده

ياللا قوم/ي

أيوه قوم/ي

قوم/ي

قوم/ي هات/ي اللـ knife واتفرج على الصور وحاول تمسك صح

أنا عاملكم صور توضيحية للموضوع دا

اتفرجوا وادعولي

الصورة اللي تحت دي بتوضح ازاي تقطع في السنة horizontally

بعد لما رسمت الـ outlines بتاعتك على الـ wax

ودي كمان شرحه

اما الصورة دي بتوضح المسكة أثناء القطع من ال_incisal

وانت نازل cervical علشان تشيل الزيادات وتطلع الـ trapezoid shape

ودي كمان

ونكمل بعدين انتظروووووونا

__________________