معلومات عن Dentitionلسنه اولى

الدنتشن من احلى المواد اللى هتتدرسها السنه دى لو ذاكرتها اول باول وراجعتها
المنهج:هتاخد مقدمه مهمه عشان تفهم اللى بعد كده بس مش مهمه فى الامتحان بعدين تاخدanatomyبتاع الاسنان وبكده يكون الترم الاول خلص
نخش على الترم التانى وتاخدphysiologyبتاع الاسنان وده جزء سهل بس بيتنسى جدا جدا
العملى:
يعتبر الكارفنج هو العملى الوحيد اللى بجد عليك السنه دى وهتاخد ازاى تنحت الاسنان بالشمع الموضوع فى الاول هيبقى صعب اوعى تخاف عادى اهم حاجه ركز مع الدكتور ونصيحتى روحو للدكتوره ايناس اكتر من ممتازه والسكشن بتاعها لذيذ
الادوات:wax knife&wax carver وخلى بالك ان carver سنه يكون رفيع اوى عشان تعر تشتغل بيه post.teethالترم التانى وknife مش لازم تكون كبيره حسب ما يريحك تمنهم حوالى 16 جنيه
المحاضرات:
محاضره يوم الاحد الساع 9:30 وخلى بالك ان الدكتوره بتبدى من اول يوم ومبتتاخرش ثانيه عن المحاضره
الدكتوره:
دكتوره ليلى صادق رئيس قسم الاورال بيولوجى فى اسنان القاهره شرحها اكثر من رائع ودايما مبتسمه حاول تسالها و تخليها تعرفك عشان تظبطك فى العملى والشفوى وهى هتخلص قبل شهر من الامتحان
الامتحان:
الامتحان 3 اسئله تختار منهم اتنين كل سؤال فى سؤال اناتومى وسؤال فسيولوجى طبعا الاناتومى هيبقى 6 و4 و3 وDفوق وتحت والفسيو تذاكره كله وتركز علىocculusal surface
الشفوى:الدكتوره ليلى زى العسل فى الشفوى وهتريحك بس انت ركز معاها فى المحاضره وانت ممكن تستنبط هى هتسال ايه فى الشفوى طبعا الجدول بتاع chronolgyبتكون حافظه زى اسمك وبالذات eruption
اعمال السنه:هيبقى امتحان على عملى الترم الاول عليه عشر درجات اقل واجب 6,5 والعشرات بالعبيط
المذاكره:ذاكر كل درس بدرسه وبعد متخلص كل مجموعه لخصها فى جدول والنظام ده هيريحك جدا
على فكره الدكتوره ليلى كتابها ب 80 جنيه وهتشرحه كله ومش هتسيب فيه غير صفحتين(يا حرام) بس هتتلم باذن الله كمان هتعمل امتحانات طول السنه على كل جزء متخفوش معلهاش درجات
الدرجات:
النظرى:60
الشفوى:10
العملى:20
اعمال السنه:10
ارجو انى مكنش نسيت حاجه
ولا تنسونى من صالح دعائكم