سنة اولى طب اسنان بكل مافيها

السلام عليكم ورحمة الله وبركاته

دة اول موضوع ليا يا ريت ينال اعجابكوا طبعا بالنسبة للطلبة اللى جالها فى التنسيق طب اسنان احب اهنيهم الاول ان الكلية دى جتلهم
الدراسة مدتها خمس سنين يعنى هاتنجز لا سبع سنين سنين وسنة تدريب وسنتين ماجسيتر وسبعة دكتوراه و 12 تكوين سمعة مجرد خمس سنين وسنة امتياز وتفتح عيادتك
الدراسة بجد ممتعة جدا فى طب اسنان انا لسة فى سنة تانية يعنى اول سنة ليا بجد استمتعت بالدراسة حداااااااااااااااااااااااااااااا
نخش فى الموضوع عشان مطولش عليكم
انتو عندكو الترم الاول ان شاء الله فى اى جامعة 4 مواد اساسية وهما

human dentition
General chemistry or organic
Physics
Cell biology Or botany&zoology

وليك اربع مواد اللى هما متطلبات الجامعة ودول بيختلفوا تبع كل جامعة بس معظمهم بيكون اساسى فيهم ال IT

نبدا بقة ناخد نبذة عن كل مادة وتركز معايا

Human Dentition

دى تقريبا ابسط مادة موجودة كلامها كتير جدااااااااااااااااااااااااااااااااااااااااااااااااااااا بس لو انت رسمت السنة صح هتلاقى نفسك بتلخص اربع او خمس صفح فى صفحة واحدة
المادة دى بتتكلم عن الاسنان وشكلها واسمائها اول محاضرة اطمنكم مش هتفهموا اىىىىىىىىىىى حاجة والممتااااز فى الطلبة احتمال يفهم اول نص ساعة وبعدين يلاقى نفسوا نسى كل اللى فهموا وكلوا بياخد وضع الاسبهلال ادام الدكتور
االمادة دى شغلها العملى عبارة عن انك هتعمل اسنان من الشمع وهتكون بجد حاجة تحفـــة لو بتعمل الشمع على البارد لوو هتعمل الشمع على النار زىنا كدة فى جامعة المنصورة ابشركم ان كل واحد ايده هتتحرق اول اسبوع ^-^ وهيكره الكلية كلها بس عادى هيتعود بعدين
نتكلم بقة فى الجزء النظرى لو حابين تعرفوا عنو حاجة بدل ماتتصدموا اول ماتدخلوا الكلية
الدكتور هيقولك ان الاسنان وظيفتها الهضم ( فقيق اوى يعنى ايه الجديد )
بعدين هيقولك اسماء السنان ومن هنا تبدأ تتوتر
incisor - canine - premolar - molar
دى اسماء السنان اللى عليك (( مش مشكلة ممكن يتحفظوا بسهولة ))
بعدين هيقولك اننا هنقسم الفم لاربع ترباع يعنى 4 quadrant لو حد مفهمش تربع الاربعة دول كل واحد منهم فيه 8 سنان يبقة احنا عندنا 32 سنة
طبعا الكلام دة لكوا انتو عارفينو معدا يمكن موضوع اسماء السنان دى
بعدين هتلاقيه دخل وبيقولكو ان السنة زى الديسك اللى ادامو دة ليه ست اوجه
Facial يعنى الوجه الامامى وهايقولك انو جاى من face
Mesial ودة بعدين هتزهقوا منو
Distal عكس اخوه اللى فوقوا
Lingual ودة الوجه الخلفى
Incising Or Occlusal ودة الوجه اللى تحت اللى هو الجزء اللى بتهضم بيه السنان الاكل
طبعا بعد الاسماء دى هيبدأ الموضوع يحتار معاك شوية هيروح قايلك اننا ممكن نفسم السنة تلت اتلات عرضى وطولى وكدة احنا جخلنا فى جو المحاضرة اوى وملوش لازمة الكلام دة الوقتى خااااااااااالص هاحطلكوا بعدين المواضيع دى بالباور بوينت بتاعها بتاع الدكتور اللى اكيد هيشرح احسن منى 7500 مرة
كدة احنا اتكلمنا عن مادة ال HD ومحدش يقولى يعنى ايه HD

نيجى نتكلم بقة عن General Chemistry
طبعا دى نفس الكميا اللى خدناها فى ثانوى بس بالانجلش وهتلاقى الموضوع سهل جدا وبسيييييييييييييييييط
لو حد فيكم اخد Organic فى جامعة تانية عادى بردوا هيا نفس االكميا العضوية مع اختلافات طفيفة

Cell biology والمادة دى تعتبر الاحياء بتاعت ثانوى بس احياء متخصصة شوية اول فصل هيتكلم معاكم ان جهاز جولجى والغشاء البلازمى وتحس ان الحياة حلوة بعدين هيدخل فى حجات استغفر الله العظيم وبردوا هتنزلكوا ان شاء الله
فى ناس هتاخد Zoology & Botany ودول ربنا معاهم لانى مخدتش الحجات دى وبردوا ان شاء الله هانزلها من زمايل اللى فى الجامعات التانية

واخر مادة ودى بقة قاهرة الطلبة واللى ضاربة الكل فى ال GPA

Physics المادة دى لا ليها علاقة بالفزيا اللى انت درستها ولا اللى هتدرسها طول حياتك واستحالة تفهم حاجة من المحاضرة ولا الكورس ولا حتى الورق اللى انا هانزلهلكوا
بس فى بصيص من الامل ان ورق الشرح اللى كنا بناخده من المعيدين تفهموا منو حاجة وبما انكو ان شاء الله عباقرة هتفهموا من الدكتور

وكدة يبقة لسة الاربع مواد بتوع متطلبات الجامعة ودول هيكون اغلب الجامعات فيها IT

كدة انتو عرفتوا المواد بتاعتكوا الاساسية فى الترم الاول نصيحة السنة الاولى دى اسهل سنة واللى هتساعدك تجيب تقدير ولو اتعودت تذاكر فيها هتتعود على كدة علطول ولو كسلت ابقى قابلنى

بما انكو سنة اولى يعنى ولسة داخلين الجامعة

نظام الجامعة مختلف تماما عن الثانوى انسى جو المذاكرة كل يوم 5 او 6 سعات والنوم على الكتاب والكلام اللى كنا بنعملوا دة انت مجرد انك كل يوم 3 سعات حلوييييين اوى اوى اوى
وقبل الامتحان معسكر مغلق تاكل فيه الورق ويكون ليك مصدر واحد من المذاكرة يعنى اللى انا هانزلوا دة مجرد بس تطلع عليه لو انت مخنوق من ورق الدكتور بتاعك وطبعا ورق الدكتور فى العادة هو الاصل وتسألوا الدفعات اللى قبلكوا الدكتور كان بيركز على ايه والكلام دوة وتشوفوا امتحاناتو الكلام دة كلوا عرفناه بعد فوات الاوان

هتلاقو كل اسبوع حاجة اسمها Quiz ودة استغفر الله العظيم امتحانات قصيرة كدة اول امتحان طبعا اما نقصت ربع درجة فى الامتحان روحت للدكتور وقولتوا بجد مكنتش عامل حسابى وياريت امتحن تانى لان كان عندى ظروف وعملت عليه فيلم المال والبنون كنت مفكر ان الموضوع زى الثانوى وان الربع درجة مش عاوز اخسرها

طبعا فى الميد تيرم والفاينل بقة الواحد بيطلع مضروب فى 35 اربعين درجة كدة وخارج عامل حفلة برة انو ملعلع فى الامتحان يعنى من الاخر لو نقصتلك فى اول كويز درجتين ونص ولامتحان كلوا من تلاتة اصلا متفكرش انك فاشل حتة لو الدفعة كلها جايبة درجات كويسة

اى استفسار عن اى حاجة تخص سنة اولى انا تحت امركوا